Woröm nennt me oß Kaafsäck?

Dat woar vüje lange, lange Joahre,
do woar he ens Kreesch em Lank
on Napoleons Soldate die woare
net jrad als zimperlich bekank.
Dem Dörwisser Volek woar et angs on bang
on et woar van Honge bald schwazz,
denn die Franzuse hotte at wächelang,
dat janze Dörp besatz.
Die Soldate klautene alles fott,
alle Ferkere on Köh on Peat,
bald woar de letzt Hahn em Pott
on kauchdene op de Heat.
Su wutte die Bure alles quick –
ävve plötzlich dann, övver Naht,
do woar et Jott sei Dank esu wick,
die Soldate wutte verlaat.
Der Kommandant, ene fiese Mann,
der die Nut on dat Elend kank,
sät, fuffzich Säck met Früjet well ich han,
oder ich stääch üch et Dörp a brank.
Do hant die ärm Bure överlaat,
wo krieje mieje die fuffzich Säck, -
bes plötzlich ene Luuse saat,
der Käll, der witt jeweck!
Am angere Morje do koame se ahn,
met jru’eße Säck o’m Röck,
se ladene die op ene Soldatewan,
wie befoahle, fuffzich Stöck.
Wui, wui, - röf der Kommandant on stüüt,
jetz hamme werm Futterasch.
Dann wutt noch ens en et Hoa jetüüt
on fott woar die Bajasch.
Ene Bur ävve laach övve et janze Jesiejet
on sät, - kickt, do haue se aaf,
jong, die hamme ahnjeschmiejet,
en die Säck woar nix – als Kaaf!!
Su, jetz weßt ihr wie dat damals woar
on jetz, wo ihr dat Jeschichje kennt,
eß et och wall jedem kloar,
wofür dat me oß „Kaafsäck“ nennt.
Ävve jedes ech Dörwisser Kenk
met Stolz de Nam hü dräht,
denn met Traditiun dat zesahme henk,
wenn ene Kaafsack sät!!!